Search This Blog

Saturday 20 December 2008

ಓಡಿ ಹೋಗದಿರಿ ಓ ನನ್ನ ಕವಿತೆಗಳೇ


ಓಡಿ ಹೋಗದಿರಿ ಓ ನನ್ನ ಕವಿತೆಗಳೇ
ಪ್ರೀತಿ ಮನಸು ಬಿಟ್ಟು
ದೂರ ಹೋಗದಿರಿ ಓ ನನ್ನ ಹೃದಯಗಳೇ
ಮಧುರ ಸಿ೦ಚನದ ಕನಸು ಕೊಟ್ಟು

ಪುಳಕವಿದ್ದಿತ್ತು ಬಾನಿನ೦ಬಾರಿಯಲ್ಲಿ
ನಿನ್ನ ಕಲರವದ ನೆನಪು
ನೀಲವರ್ಣದ ಚು೦ಬನದ ಹ೦ದರದಲ್ಲಿ
ಮಾಸಿತ್ತು ತುಟಿಯ ಕೆ೦ಪು

ಕೇಳುವರಿರಲಿಲ್ಲ ; ಕೇಳಿಸುತಲಿತ್ತು
ಕರ್ತವ್ಯ ಕಾಯಕದ ಮನಸು ಮಾತ್ರ
ಹಾಕಿದ್ದ ಹಸೆಮಣೆಯು ಉಳಿದಿದ್ದ ಅಕ್ಷತೆಯು
ಆಗಿತ್ತು ಕಾಲು೦ಗುರ ಬರಿಯ ಶಾಸ್ತ್ರ

ಪ್ರೀತಿಯೊ೦ದಿತ್ತು ನಗುತಲಿ ನಗಿಸುತಲಿ
ನಡೆದಿದ್ದೆ ,ಇರುಳಲ್ಲಿ ಉರಿಸಿದ್ದೆ ದೀವಿಗೆ
ಕಾಣದಾಗಿಹುದು ದಾರಿ ಸಾಗಲು ಮು೦ದೆ
ಅಳುವಿನ ಛಾಯೆಯಲಿ ಸಿಲಿಕಿದ್ದೆ ನೋವ ಸುಳಿಗೆ

ಪ್ರೀತಿಯೊ೦ದಿಹುದು ಕವಿತೆಗಳೆ, ಬ೦ದುಬಿಡಿ
ಬನ್ನಿರಿ ನನ್ನ ಬಳಿಗೆ
ನನ್ನ ಹೆಜ್ಜೆಗೆ ಮೆಟ್ಟಿಲಾಗಿರಿ, ಹೃದಯಾ೦ತರಾಳದ
ಮುತ್ತೊ೦ದ ನೀಡುತ ಆಗಲಿ ಸಾ೦ತ್ವನದ ಘಳಿಗೆ